Aktualitet

Heqja e kufizimeve natën e Vitit të Ri,Bino:Ka luajtur rol në përhapjen e Omicron


Bëhu pjesë e Grupit Zyrtar të Opinion.al
>> KËTU <<
               Publikuar në : 13:37 - 07/01/22 |
Opi Nion

Silva Bino, anëtare e Komitetit Teknik të Ekspertëve dhe shefe e Departamentit të Epidemiologjisë në Institutin e Shëndetit Publik ka folur rreth situatës së epidemisë Covid-19 në Shqipëri.

Bino ka folur për “ABC”, duke thënë se nata e Vitit të Ri ka luajtur rol në përhapjen e variantit të ri Omicron.

“Omicron ka hyrë në vendin tonë dhe janë kryesisht raste të importuara dhe deri në javën e 50-të, deri në 20 dhjetor ne na ka predominuar virusi Delta dhe Omicron është vendosur re vetëm në disa raste të lidhura me udhëtime jashtë.

Pas Krishtlindjeve, me ardhjen e shumë personave tregon se kemi një përhapje. Ne kishim parashikuar që mund të kishim një rritje për festat. Nata e Vitit të Ri ka luajtur një rol me përhapjen e Omicron, nuk ka diskutim, pasi grumbullimet janë mjeti i parë që shkakton përhapjen e virusit. Aktualisht ne kemi përhapje të Omicronit në vendin tonë. Futja e Omicronit i dedikohet Krishtlindjeve, datave 24 dhe 25.

Është e vërtetë që hapja gjatë festave të fundvitit mund të ketë luajtur një rol. Të dhënat e javës që shkoi, ne shikojmë se pas Krishtlindjeve kemi një rritje të rasteve të moshës 25-34-45-vjeç që është mosha më aktive që shkon në club-e dhe festa. Numri në spital është rritur dhe kjo është e pritshme, sepse kur rritet numri i rasteve kemi rritje edhe në spital, rëndësi kanë format klinike”-tha ajo për Abc.

Bino kritikoi zbatimin e masave.

“Këto masa që kemi nuk zbatohen dhe organet ligjzbatuese nuk i kontrollojnë si duhet. Mbajtja e maskave është e rëndësishme. Shkojnë në opera nuk mbajnë maska, nuk paraqesin certifikatën, por nuk zbatohen masat”-tha ajo.

Pas