Kryesore

Hashim Thaçi nuk jep dorëheqjen, tregon kushtin e vetëm


Bëhu pjesë e Grupit Zyrtar të Opinion.al
>> KËTU <<
               Publikuar në : 20:21 - 29/06/20 |
Al Do

Presidenti i Kosovës, Hashim Thaçi deklaroi se do të japë dorëheqjen vetëm nëse konfirmohet aktakuza ndaj tij.

Nëse aktakuza konfirmohet unë do të jap menjëherë dorëheqjen dhe do të përballem me akuzat“, tha Thaçi gjatë adresimit të tij për publikun lidhur me aktakuzën e publikuar nga Dhoma Speciale e prokurorit në Hagë.

Gjatë fjalës së tij Thaçi tha se nuk ka bërë asnjëherë krim lufte dhe se i vetmi ligj që ka shkelur është ai i Sllobodan Millosheviçit. Ai theksoi edhe njëherë se qëndrimi i tij për mbështetjen e iniciativave për ngritjen e gjykatave për luftën në Kosovë.

“Të dashur qytetarë, gabime politike në sa që mund te kem bërë por krime luftë asnjëherë. Edhe po të kthehesha pas në kohën e Millosheviçit do të veproja njësoj duke iu përgjigjur me plumb plumbit armik. Mbi 2 dekada i kam mbështet iniciativat për ngritjen e gjykatave. Ky qëndrim mbetet i njëjtë.

Ky nuk është mesazh lamtumire e as bërje bilanci. Nuk ka patur dhe nuk ka asnjë provë se Hashim Thaçi ka shkelur ligjin, i vetmi ligji është ai i Sllobodan Millosheviçit. Fati im në rrethana historike ma përcaktoi dijen e jetës.”

Presidenti i Kosovës nënvizoi se do të ishte i lumtur nëse drejtësia ndërkombëtare do të funksiononte me të njejtat standarde si për Kosovën dhe Serbinë por sipas tij kjo nuk ndodh.

“Un do të isha më i lumtur nëse do të shihja që drejtësia ndërkombëtare do të funksiononte me të njëjtat standarde mes Kosovës dhe Serbisë por fatkeqësisht nuk ndodh. Serbia po ecën drejt BE por Kosova ende nuk ecën dot e lirë në Europë pa viza. Padyshim edhe ne kemi gabimet dhe përgjegjësi, unë i pari dhe krejt udhëheqësit e partive politike meqë nuk ruajtëm kohezionin politik por asnjë gabim nuk justifikon që Kosova prej 20 e ca vjet përballet me akuza krimesh lufte ndërsa në Serbi ka rënë heshtja e varrit për krimet e luftës dhe heshtja është bërë edhe ndërkombtarisht. A mos vallë duhet të presim të vijë dita kur ti kërkojmë faj Serbisë për gjenocidin e kryer kundër nesh?”

Lidhur me aktakuzën ai tha se publikimi i saj pa u miratuar nga një gjyqtar është skandal por se kjo nuk e intimidon atë.

“Nuk e di ishte intrigë apo rastësi që doli njoftimi për një aktakuzë. Rrugën ma preku por jo besim dhe vlerat që përfaqëson shtëpia e bardhë e SHBA. Lajmi i një aktakuze të miratuar nga gjyqtari është skandal i madh. Asnjë bombë mediatike nuk e intimidon të parin e shtetit të Kosovës Nëse aktakuza konfirmohet unë do të jap menjëherë dorëheqjen dhe do të përballem me akuzat. Kosova është shtet i ri, por udhëheqësit e saj duhet të sillen si burrështetas të vërtetë. Do ta mbaj këtë barrë dhe ta mbroj veten time, luftën tonë për liri, me çdo forcë që kam”, deklaroi presidenti Thaçi. /Opinion.al

Pas