Kryeministri i Kosovës, Ramush Haradinaj, është detyruar që të anulojë vizitën e tij bashkë me dy qeveritë në Vlorë për t’u kthyer në Kosovë.
Kjo është bërë për shkak se Haradinaj ka në axhendë për sot në orën 17:00 një takim me zëvendësndihmës sekretaren e Mbrojtjes së ShBA-së, Laura Cooper. Cooper kishte takim dje me Presidentin e vendit, Hashim Thaçi, raportojnë mediat në Kosovë.
Kujtojmë se dje u zhvillua mbledhja e përbashkët e dy qeverive në Korçë, ndërsa sot ishte parashikuar që Rama dhe Haradinaj të merrnin pjesë në kremtimet e 28 Nëntorit në qytetin e Flamurit.
