Aktualitet

Hapet për qarkullimin e makinave një tjetër segment i Unazës së Madhe


Bëhu pjesë e Grupit Zyrtar të Opinion.al
>> KËTU <<
               Publikuar në : 15:29 - 27/10/21 |
Opi Nion

Duke nisur nga mesnata e kësaj të mërkure do të hapet për qarkullimin e automjeteve një tjetër segment i Unazës së Madhe të Tiranës. Bëhet fjalë për segmentin që nis nga Mbikalimi i Farkës deri tek Materniteti i Ri. Ky segment do të jetë i aksesueshëm për të gjitha drejtuesit e automjeteve duke lehtësuar në këtë mënyrë lëvizjen në këtë zonë të kryeqytetit.

“Nuk po trajtohet si një rrugë shpejtësie por edhe si një rrugë urbane që ka zona të banuara në dy anët e saj. Edhe gjelbërimi dhe ndriçimi kanë rëndësinë e vet”, tha Balluku.

Sakaq, kreu i ARRSH Ergys Verdho i bëri thirrje qytetarëve, kryesisht banorëve të zonës të cilët deri dje e kanë përdorur këtë rrugë si shëtitore duke qenë se ishte ende në rikonstruksion, që nga nesër të mos dalin më në këmbë në këtë segment.

“I bëjmë thirrje qytetarëve që nga nesër të mos e përdorin më këtë rrugë si shëtitore, pasi deri më sot është përdorur nga ana e tyre për shkak se nuk ka pasur lëvizje”, u shpreh Verdho

Ndërkohë po vazhdojnë punimet me ritme të larta në lotet e tjera të kësaj vepre të rëndësishme për kryeqytetin./Opinion.al

Pas