Aktualitet

Hajnaj nis detyrën në krye të “FBI-së shqiptare”,reagon ambasada amerikane


Bëhu pjesë e Grupit Zyrtar të Opinion.al
>> KËTU <<
               Publikuar në : 08:33 - 01/09/20 |
el ida

Ambasada e Shteteve të Bashkuara, në Tiranë përshëndeti fillimin e punës për Aida Hajnajt në krye të Byrosë Kombëtare të Hetimit.

Sipas SHBA ky është një gur i rëndësishëm kilometrik jo vetëm për sistemin shqiptar të drejtësisë, por gjithashtu për gratë në role drejtuese.

Ambasada Amerikane shkruan ndër të tjera se Hajna përfundoi të gjitha programet e përzgjedhjes për të marrë këtë detyrë.

“Sot, zj. Aida Hajnaj, merr detyrën si drejtuesja e parë e Byrosë Kombëtare të Hetimit. Ky është një gur i rëndësishëm kilometrik, jo vetëm për sistemin shqiptar të drejtësisë, por gjithashtu për gratë në role drejtuese. Në përputhje me kërkesat e ligjit shqiptar, Hajnaj përfundoi një program trajnimi posacërisht të krijuar nga Programi Ndërkombëtar i Ndihmës së Trajnimit të Hetimit Kriminal (ICITAP) në Shqipëri, të fokusuar në procesin përzgjedhës të hetuesve të BKH, në etikën profesionale në BKH, në procedurat e disiplinës në BKH, në përdorimin e forcës dhe armëve të zjarrit nga BKH, rregulloren mbi përdorimin e poligrafit në BKH, në marrëdhëniet e BKH me Policinë e Shtetit dhe mbi rolin vëzhgues të Komisionit Ndërkombëtar të BKH. Ne përgëzojmë Shqipërinë për marrjen e një hapi më tej drejt drejtësisë që shqiptarët kërkojnë dhe meritojnë.”, shkruan Ambasada.

Aida Hajnaj, u emërua më 30 korrik si drejtuese e Byrosë Kombëtare të Hetimit. Hajnaj mori votat e të gjithë anëtarëve të KLP-s dhe do të drejtojë BKH-në për një mandat 5 vjeçar./Opinion.al

Pas