Sociale

Gruaja u hodh nga kati i dytë, drejtori i maternitetit: Nuk po kryente vetëvrasje



Bëhu pjesë e Grupit Zyrtar të Opinion.al
>> KËTU <<
               Publikuar në : 15:39 - 03/07/22 |
el ida

Në lidhje me ngjarjen e mbrëmshme, ku një 35-vjeçare së bashku me beben e saj të porsalindur u hodh nga kati i dytë i spitalit ka folur drejtori i maternitetit të Sarandës Tajar Lako.

Në intervistën e dhënë per News 24, ai ka deklaruar se gruaja nuk është hedhur për të kryer vetëvrasje por për t’u larguar nga spitali.

Ndër të tjera Lako thotë se kjo ishte lindja e saj e gjashtë, dhe se ishin në gjendje të vështirë ekonomike.

“Duke parë kushtet e vështira në të cilat ndodhej zonja, u detyruam ta mbanim në maternitet”, shtoi Lako.

“Në datën 28 qershor rreth orës 02:20 ka lindur nga një lindje normale. Është fëmija i gjashtë. Lindja ka ecur shumë mirë dhe ka vazhduar në ditët në vazhdim trajtimi i nënës dhe fëmijës nga mjekët përkatës dhe çdo gjë në shëndetin e tyre ishte normale. Që ditën e tretë duke parë kushtet e nënës që duket pak me prapambetje, burrin e saj nuk mund ta gjenim se nuk vinte në spital u thashë infermiereve që nëse shihnin burrin e saj të vinte në maternitet ai të kontaktonte me mua.

I gjithë stafi ka qenë i përkushtuar për rastin me qumësht, me rroba për fëmijën, të siguruara nga spitali. Duke qenë se këta janë të ardhur në qytet në sezon thjesht për të lypur atëherë unë nuk mund ta nxirrja fëmijën nga materniteti se nuk dija kushtet e banimit dhe ku t’i shpinim. I ndodhur në këto kushte komunikoj me drejtorin e spitalit dhe i nisim bashkisë një shkresë zyrës së shërbimit social. Madje edhe gojarisht ka folur për rastin edhe shefja e burimeve njerëzore dhe përgjigja e tyre ishte se adresa e tyre rezultonte herë në Durrës, herë në Berat herë në Gjirokastër dhe ne nuk kishim siguri se ku dhe ishim në pritje për të marrë një adresë të saktë se ku mund t’i çonim. Kjo për arsye se unë një fëmijë dy-tre ditësh që ta nxirrja në rrugë me temperaturat 40 të ditës apo të ftohta të natës, pasi këta nuk kanë banesë, nuk mund ta nxirrja”, tha Lako.

Ndër të tjera, ai tha se nëna dhe fëmija ndodhen në gjendje të mirë shëndetësore.

“Tani me nënën merret mjeku gjinekolog, mjeku ortoped, reanimatori ndërsa unë merrem me trajtimin e foshnjës. Foshnja gëzon shëndet. Nuk pati gjë se nëna pasi është kacavjerrë nga dritarja në shesh është gjetur që e kishte fëmijën të lidhur tek gjoksi dhe barku për ta mbrojtur. Nga çfarë shihet këtu nuk ka pasur tentativë të nënës për t’u vetëvrarë, por tentativë për t’u larguar nga spitali”, u shpreh drejtori i maternitetit të Sarandës, Tajar Lako./Opinion.al

Pas