Greqia ka vendosur të ndërmarr kufizime të reja për të parandaluar përhapjen e pandemisë COVID-19.
Autoritetet kanë gjykuar se masat duhen shtrënguar në tre komuna afër Athinës të cilat konsiderohen dhe si zona me rrezikshmëri të lartë, të cilat janë: Atika perëndimore, ekzaktësisht Aspropirgosin, Mandrian dhe Elefsinën.
Sipas informacioneve nga dita e nesërme në këto zona do të vendoset kufizimi i orarit të lëvizjes nga ora 18:00 deri në 05:00 të mëngjesit.
Përjashtim do të bëjnë punonjësit të cilët duhet të lëvizin vtëm nga banesa e tyre në drejtim të punësdhe anasjelltas, e që do të shoqërohet kjo e fundit më një leje ekskluzive nga punëdhënësi.
Gjithashtu do të mbyllen dyqanet, tregjet publike, parukeritë, libraritë e kishat si dhe teste të shpejta të intensifikuara.
Qeveria ka parashikuar përhapjen masive të maskave të financuara nga pushteti lokal, testim çdo 5 ditë për punonjësit në azile teksa do të lejohen vetëm ceremonitë mortore me numër shumë të kufizuar pjesëmarrësish dhe të cilat do të ndjekin në përpikmëri protokollet.
Masat e reja për Atikën Perëndimore
- Zgjatja e shtetrrethimit nga ora 18:00 në 05:00. Punonjësit që lëvizin me lejen ekskluzive të punëdhënësit të tyre përjashtohen.
- Pezullimi i funksionimit të shitjes me pakicë, të parukerive, dyqaneve të thonjve, librarive dhe të gjitha bizneseve.
- Pezullimi i të gjitha llojeve të ceremonive kishtare, të të gjitha feve, me përjashtim të shërbimeve të varrimit ku lejohet prania e 10 personave të rrethit të ngushtë të të ndjerit.
- Pezullimi i hyrjes në tempuj për adhurimin individual.
- Pezullimi i të gjitha tregjeve publike, provë e shpejtë për shitësit me pakicë – tregtarët çdo tre ditë për të lëvizur në zona të tjera për të punuar
- Intensifikimi i kontrolleve mbi punonjësit në zonë
- Testimi molekular çdo pesë ditë te punonjësit dhe të moshuarve në azile
- Shpërndarje masive e maskave për qytetarët me kujdesin e vetëqeverisjes lokale
- Izolimi i rasteve të konfirmuara që nuk kërkojnë shtrim në spital
- Fushata informuese në bashkëpunim me Komunat, Krahinat Rajonale, EODY, psikologët dhe antropologët për shkak të profilit të specializuar të popullsisë së banorëve
- Masat janë efektive nga ora 06:00 e së Premtes
- Masat e reja do të jenë në fuqi nga ora 06:00 e mëngjesit të së Premtes (18.12) dhe do të jenë të vlefshme për shtatë ditë kur situata do të rivlerësohet. /Opinion.al
