Bota

Greqi/Trend rritës i shtrimeve në spitale për shkak të mutacionit Delta


Bëhu pjesë e Grupit Zyrtar të Opinion.al
>> KËTU <<
               Publikuar në : 23:33 - 24/07/21 |
Opi Nion

Specialistët e sëmundjeve infektive në Greqi po japin alarmin, për shkak të trendit rritës në shtrimin e pacientëve të rinj në spitale, më shumë prej rasteve që identifikohen me mutacionin Delta të koronavirusit.

Nga ana e tij, profesori i Sëmundjeve Infektive në Universitetin e Patras, Charalambos Gogos, theksoi të shtunën se shtrimet në spital po rriten me 25% -26% në ditë me një rritje paralele edhe në intubim.

“Kjo valë lidhet edhe me mutacionin Delta, sepse virusi është më ngjitës, por  edhe me heqjen e masave dhe mosrespektimin e masave në fuqi”, shtoi mjeku.

“Vala është e madhe në krahasim me kurbën epidemiologjike, por jo aq e fortë në raport me shtrimin në spital dhe intubimin. Në një total prej 5,000 njerëzish që u shtruan në spital të intubuar, nga sshkurti deri më tani, të vaksinuarit përbënin vetëm 1%”, tha ai për SKY.

“Ekziston një model në SH.B.A. që thotë se në të ardhmen e afërt vdekjet në një mesatare 7 ditore nëse popullata është e pavaksinuar do të kalojnë 3,000, ndërsa nëse vaksinohet do të jetë më pak se 200”, përfundoi Gogos./Opinion.al

Pas