Kryesore

Greqi/ Masat anti-Covid, çfarë ndodh me personat që nuk duan të vaksinohen


Bëhu pjesë e Grupit Zyrtar të Opinion.al
>> KËTU <<
               Publikuar në : 13:11 - 24/08/21 |
Opi Nion

Qeveria greke ka prezantuar paketën e re të masave anti-Covid, të cilat do të hyjnë në fuqi nga 13 shtatori dhe parashikojnë kufizime të ashpra për individët që nuk janë vaksinuar kundër virusit SARS-CoV-2.

Ministri grek i Shëndetësisë, Vasilis Kikilias,  zbuloi të martën  nga shtatori nuk do të ketë më teste falas për covid-19 për të pavaksinuarit, madje të punësuarit në sektorin e shëndetësisë që nuk kanë paraqitur certifikatën e vaksinimit do të ndalohen nga puna derisa të vaksinohen.

Gjithashtu, nëpunësit e sektorit publik dhe privat sipas rregullave të reja, nëse nuk janë vaksinuar do të duhet t’i nënshtrohen testimit të rregullt, me shpenzimet e tyre, një herë në javë.

Ata do të deklarojnë në aplikacionin elektronik covid free app të qeverisë greke një herë në javë rezultatin e rapid test, që do të mbulojnë me shpenzimet e tyre, kostoja do të jetë 10 euro testi në klinikat private të vendit. Hyrja e të pavaksinuarve nuk lejohet në klinika shtetërore.

Të punësuarit në sektorin e arsimit, mësues, edukatorë, në sektorin e turizmit, teatër, kinema, produksione muzikore, plus edhe studentët do të bëjnë dy test të shpejta në javë, me shpenzimet e tyre.

Në rast udhëtimi brenda vendit, udhëtarët duhet të kryejnë një test të shpejtë 48 orë para nisjes, që gjithashtu deklarohet në aplikacionin e qeverisë greke. Por, nuk do të lejohen të kryejnë testin në klinika apo spitale shtetërore, vetëm në klinikat private që lejojnë hyrjen e të pavaksinuarve.

Në ambientet e mbyllura, stadiumet etj., lejohet kapaciteti 100% vetëm me të vaksinuarit, në rast të kundërt do duhet të mbahen distancat sociale si dhe të gjithë të pranishmit të kenë deklaruar rezultatin e testit të 48 orëve të fundit.

Punëdhënësit kanë të drejtën të kërkojnë certifikatën e vaksinimit për punësimin e stafit të biznesit të tyre dhe të kenë të dhëna statistikore të sakta të dokumenteve që paraqesin.

Në ambientet e jashtme, nëse ka fluks njerëzisht, duhet të rivendoset maska me detyrim.

Pas