Sot në orën 18:30, Milani dhe Juventusi do të sfidojnë njëri-tjetrin në Jedah të Arabisë Saudite, ndeshje e vlefshme për finalen e Superkupës së Italisë.
62 mijë e 241 biletat që garanton “King Abdullah Stadium”, më i madhi në Arabinë Saudite, janë shitur brenda pak orësh, por e veçanta është se në stadium pritet të paktën 15 mijë femra.
Duke parë presionin që ka ndodhur edhe në këto javë të fundit në Itali, me shumë akuza për diskriminimin e femrave në këtë vend, edhe vetë qeveria arabe ka vendosur që të tolerojë. Femrat sigurisht do të jenë të gjitha të mbuluara, siç e duan ligjet vendëse.
Megjithatë, ndoshta këtë herë nuk do të mungojnë në duart e tyre simbolet e skuadrës, për të cilën bëjnë tifozllëk, pse jo edhe ndonjë bluzë e Milanit ose e Juves e veshur mbi burkën saudite.
