Grabitja/ Kur duhet të ndërhyjnë Forcat e Armatosura sipas Kushtetutës

Pas grabitjes në Rinas, ministrja e Mbrojtjes Olta Xhaçka, urdhëroi vendosjen e efektivëve të Policisë Ushtarake dhe Batalionit Special të Forcave të Armatosura në perimetrin e Aeroportit “Nënë Tereza”.

Ky vendim ngjalli debate të forta në arenën politike, ndërsa opozita e ka cilësuar si një vendim antikushtetues.

Por, kur duhet të ndërhyjnë Forcat e Armatosura sipas Kushtetutës?

Ligjit parashikon se Forcat e Armatosura mund të ndërhynë vetëm ne dy raste; kur bëhet vendi është në gjendje të jashtëzakonshme dhe për parandalimin, ose mënjanimin e pasojave të një fatkeqësie natyrore.

Ja çfarë para shikon neni 173 në Kushtetutën e Shqipërisë;

Në rast rreziku për rendin kushtetues dhe për sigurinë publike, Kuvendi, me kërkesë të Këshillit të Ministrave, mund të vendosë në një pjesë ose në të gjithë territorin e shtetit gjendjen e jashtëzakonshme, e cila zgjat për aq kohë sa vazhdon rreziku, por jo më shumë se 60 ditë.

Me vendosjen e gjendjes së jashtëzakonshme ndërhyrja e forcave të armatosura bëhet me vendim të Kuvendit dhe vetëm kur forcat e policisë nuk janë në gjendje të rivendosin rendin.

Zgjatja e afatit të gjendjes së jashtëzakonshme mund të bëhet vetëm me pëlqim të Kuvendit çdo 30 ditë, për një periudhë jo më shumë se 90 ditë!

Nenin 22 i ligjit të pushteteve të drejtimit e Forcave te Armatosura sqaron më tej se:

Gjatë gjendjes së jashtëzakonshme Kryeministri është drejtpërdrejt përgjegjës për drejtimin e Forcave të Armatosura, përmes hierarkisë së drejtimit e të komandimit i cili pas përfundimit të kësaj gjendjeje të jashtëzakonshme i raporton Kuvendit për përdorimin e Forcave të Armatosura gjatë kësaj periudhe.

Sa i përket faktkeqësive natyrore ligji shprehet në nenin 23 të tij, ku thotë se për fatkeqësitë natyore vendos Këshilli i Ministrave, sipas dispozitave të Kushtetutës së Republikës së Shqipërisë.

Me vendosjen e gjendjes së fatkeqësisë natyrore, Forcat e Armatosura, me vendim të Këshillit të Ministrave, mund të ndërhyjnë për eliminimin e pasojave të ardhura nga fatkeqësia natyrore apo aksidenti teknologjik.

Në grabitjen ku u vodhën disa miliona euro, mbeti i vrarë njëri nga autorët i identifikuar si Admir Murataj, i cili ishte i njohur për një seri grabitjesh brenda dhe jashtë Shqipërisë. Ndërkohë, policia po punon për identifikimin dhe kapjen e autorëve të tjerë që bashkëpunuan për realizimin e grabitjes në Rinas.

Pas kësaj ngjarje, kryeministri Edi Rama, dhe disa ministra të kabinetit qeveritar u shprehën se përgjegjësia për sigurinë e dobët në aeroportin e Riansit bie mbi koncesionarin kinez./ Opinion.al E.Xh.