Aktualitet

Grabitet shtëpia e Vaçe Zelës në Tiranë, hajdutët morën dekoratat dhe bizhuteritë


Bëhu pjesë e Grupit Zyrtar të Opinion.al
>> KËTU <<
               Publikuar në : 15:01 - 27/12/21 |
Opi Nion

Shtëpia e ikonës së muzikës së lehtë shqiptare, Vaçe Zelës, është grabitur. Mësohet se banesa e Vaçes, në Tiranë ka rënë preh e grabitësve dhe këtë gjë e ka bërë të ditur vetë motra e saj.

Gazeta Si shkruan se, disa persona ende të paidentifikuar kanë vjedhur shtëpinë e Vaçe Zelës, ku janë marrë dekorata, kutitë me bizhuteri dhe sende të çmuara.

Denoncimi u dorëzua nga motra e ikonës së këngës shqiptare, që kujdesej për banesën e Vaçe Zelës në Tiranë.

Siç ka deklaruar në polici, shtetasja F.Z., e konstatoi menjëherë vjedhjen sapo futi çelësin në derë dhe kuptoi se dera ajo ishte e hapur.

Rreth orës 19:45 shkova në shtëpi si përherë dhe vura re se dera nuk ishte e kyçur, por u hap menjëherë sapo e preka. Hyra brenda dhe pashë rrëmujë, rrobat i kishin hedhur përtokë, ndaj menjëherë njoftova fqinjën në katin sipër që lajmëroi policinë”, – ka thënë motra e këngëtares.

Burimet policore pranë komisariatit numër 1 në Tiranë treguan se salla operative i kërkoi një patrulle të afrohej në banesën ku ka jetuar Vaçe Zela. Por policia, me gjithë këqyrjen e detajuar, nuk ka zbuluar asnjë gjurmë daktiloskopike, pavarësisht kërkimeve.

Policia shpreson që një fije floku e gjetur në banesë dhe që është dërguar pranë laboratorit të kriminalitikës, mund t’i çojë tek autori i dyshuar i vjedhjes, shkruan Gazeta Si. Mësohet se janë kërkuar kamerat e sigurisë në zonën rreth shtëpisë, por deri tani nuk janë gjetur.

Kujtojmë se ikona e muzikës së lehtë shqiptare, Vaçe Zela u nda nga jeta në shkurt të vitit 2014 në Zvicër, ku jetonte me vajzën e saj.

Pas