Një operacion i paprecedentë i hakimit të iPhone, i cili sulmoi “mijëra përdorues në javë” deri sa u ndërpre në Janar, është zbuluar nga specialistët e sigurisë së Google.
Operacioni zgjati për 30 muaj. Ai përdorte disa site të hakuara në internet për të dërguar një maluer në iPhonët e vizitorëve. Me të hapur faqen përdoruesit ishin të prekur nga ky maluer, pasi nuk kërkoheshin ndërveprime të tjera për të vepruar.
Sapo hakoheshin, të dhënat e përdoruesve nuk ishin më të sigurta. Vendndodhja, fjalëkalimet, historiku i bisedave, numrat e telefonit dhe emailet shkarkoheshin nga hakerët.
E vetmja gjë që mundësi për të shpëtuar nga ky maluer ishte ristartimi i telefonit. Por nëqoftëse përdoruesi vizitonte prapë një nga faqet problematike atëherë malueri aktivizohej sërish.
Sipas Ian Beer të Google, “duke pasur parasysh gjerësinë e informacionit të vjedhur, sulmuesit megjithatë mund të jenë në gjendje të mbajnë qasje të vazhdueshme në llogari dhe shërbime të ndryshme duke përdorur të dhënat e vjedhura, edhe pasi të humbasin qasjen në pajisje”.
Google tha se kishte raportuar çështjet e sigurisë në Apple më 1 shkurt. Apple më pas lëshoi një përditësim të sistemit operativ i cili rregulloi të metat në 7 shkurt. /Opinion.al
