Kronikë

Goditën me thikë të riun në Korçë, në pranga 3 persona


               Publikuar në : 18:01 - 25/06/19 |
Al Do

Policia e Korçës ka arrestuar tre persona si të dyshuar për plagosjen me thikë të 24-vjeçarit Armando Trimi në Korçë.

Sipas burimeve të policisë arrestimi i tre shtetasve është bërë në flagrancë. Bëhet fjalë për A.K 18-vjeç, M.J 28 vjeç dhe I.A 32 vjeç. Të tre të arrestuarit janë banues në Korçë. Njëri nga ata (A.K) ka qenë i dënuar më parë për vjedhje dhe mbajtje të armëve të ftohta pa leje ndërsa 28-vjeçari M.J rezulton i dënuar për trafik lëndësh narkotike.

Plagosën me thikë dhe sende të forta 24-vjeçarin, policia kap dhe arreston në flagrancë tre autorët e dyshuar të ngjarjes së ndodhur mbrëmjen e djeshme, në qytetin e Korçës.

Sipas policisë këta shtetas në bashkëpunim me njëri-tjetrin, gjatë një konflikti për motive të dobëta, ndodhur pranë tregut të shumicës, dyshohet se kanë goditur me sende të forta në trup dhe kanë plagosur me thikë shtetasin Armando Trimin. 24-vjeçari është transportuar për në spitalin e Korçës për të marrë mjekimin e nevojshëm.

Materialet në ngarkim të tyre i kaluan Prokurorisë të Rrethit Gjyqësor Korçë për veprat penale “Plagosja e rëndë me dashje” dhe “Prodhimi, mbajtja, blerja apo shitja pa leje e armëve të ftohta”, të kryera në bashkëpunim. /Opinion.al

Pas