Gjyqi belg për Mark Frrokun nis sot…pa deputetin

TIRANE- Drejtësia belge pritet që të nisë sot një tjeter proces ndaj Mark Frrokut, i akuzuar për vrasjen e një shqiptari në 1999 në Belgjikë. Procesi do zhvillohet në gjykaten e Apelit në qytetin Nivél. Dosja e Frrokut u transferua nga Brukseli në ketë qytet, pasi gjykata urdheroi rigjykim të çështjes pas gabimeve proceduriale. Çështja gjyqesore formalisht nuk është regjistruar nën emrin Mark Frroku, por në emrin Besnik Morina. Sipas dosjes penale, Besnik Morina është një nga identitetet false që Mark Frroku perdorte në Belgjikë. Dosja që u publikua në prill të këtij viti, identifikoi Frrokun me emrat Besnik Morina, Dritan Frroku e Piro Sofrani dhe si tutorin e Mirës, një vajze shqiptare me inicialet M.M qe detyrohej të prostituonte. Frroku do gjykohet për vrasjen e Aleksander Kurtit, më 5 mars të vitit 1999 në Bruksel. Për ketë vrasje deputeti Mark Frroku është denuar me 10 vjet heqje lirie, por e ka apeluar ceshtjen e tij në gjykaten e lartë. Ai kërkoi nga drejtësia shqiptare që të ishte pjesë e këtij procesi, por nuk u lejua.