Gjykata e Shkodrës ka dënuar me 10 vite burg adoleshentin Ergys Malja, i cili akuzohet për vrasjen e 32-vjeçarit Endri Mustafa.
Malja është akuzuar për vrasje me paramendim të kryer në bashkëpunim për ngjarjen e ndodhur më 17 maj të vitit të shkuar.
Prokuroria kërkoi 12 vite burgim për Ergys Maljan, ndërsa gjykata e shpalli fajtor dhe e dënoi me 10 vite burg.
Malja akuzohet si personi që nxori në pritë Endri Mustafën në zonën e livadheve.
32-vjeçari u zhduk mbrëmjen e 15 majit pasi doli nga banesa dhe nuk u kthye më. Ndërsa trupi i pajetë i tij u gjet më 17 maj në zonën e livadheve pranë By-Passit të Shkodrës.
