Rajoni

Gjuriç:Po gjejmë mënyra për të furnizuar serbët në veri pavarësisht taksës


               Publikuar në : 12:53 - 18/08/19 |
Al Do

Drejtori i Zyrës për Kosovën dhe Metohinë në qeverinë serbe, Marko Gjuriç ka deklaruar se pavarësisht vendosjes së taksës, ata po gjejnë mënyra që të furnizojnë me mallra shtetasit serb në veri të Kosovës.

Këtë deklaratë Gjuriç e ka bërë në një intervistë për ‘Politika’. I pyetur se si Beogradi arrin të ndihmojë serbët pavarësisht taksës, ai nuk dha shpjegime duke thënë se kjo “do të shërbente vetëm si një justifikim për presione të reja”, por “është e rëndësishme të keni bukë, qumësht, mish, miell. vaj ”, tha ai.

Gjuric u ndalua një vit më parë nga forcat e policisë në Kosovë pasi sëbashku me disa zyrtarë serbë kishin hyrë në Kosovë pa leje nga Prishtina dhe po mbanin një tubim ku po diskutonin për çështjen e Kosovës dhe themelimin e Asociacionit të komunave me shumicë serbe.

Muajn e kaluar, në veri të Kosovës pati përpjekje për tu inskenuar një krizë humanitare por që nuk funskionoi. Autoritetet në Prishtinë bëjnë përgjegjes për këtë skenar Beogradin. /Opinion.al

Pas