Kryesore

Gjiknuri: Rekomandimet në dhjetor. Hajdari: S’votojmë reformë në dy faza


               Publikuar në : 11:55 - 10/10/19 |
Al Do

Bashkëkryetari i komisionit të Reformës Zgjedhore, Damian Gjiknuri tha se është i gatshëm për cdo lloj forme komunikimi me opozitën jashtë parlamentare dhe paralajmëroi se brenda 1 jave përfaqësuesit e grupeve parlamentare në komision do të paraqesin disa nga rekomandimet e shqyrtuara në mbledhjen e sotme.

Në një deklaratë për mediat në pas përfundimit të mbledhjes së komisionit Gjiknuri tha se pjesë e diskutimeve kanë qenë edhe ndryshimi i sistemit zgjedhor, pikë kjo e kërkuar nga opozita parlamentare.

“Brenda një jave ekspertët do të paraqesin draftet e para për të adresuar rekomandimet e OSBE-së. Opozita ka të drejtën e propozimit për sistemin zgjedhor që do të adresohet paralelisht me rekomandimet e OSBE-së. Ne e bëmë të qartë që çështja e sistemit, vota e emigrantëve apo të tjerë të komplikuar do të duan më shumë kohë, ne duam që brenda dhjetorit të mbyllim çështjet që kanë të bëjnë me rekomandimet

Ai paralajmëroi gjithashtu një tjetër tryezë për të shqyrtuar çdo rekomandim

Meqë nuk kemi -PD dhe ata nuk morën pjesë, do i diskutojmë në një tavolinë më të gjerë, meqë nuk ishin aty, dhe çdo rekomandim që të diskutohet të përtej këtij komisioni. PD nuk ka sjellë propozime, në çdo draft që do të diskutojmë natyrshëm edhe ata kanë të drejtë të bëjnë propozime si shoqëria civile, komente dhe vërejtje. Ne i kemi kërkuar PD-së të gjejë çdo forme komunikimi, çdo propozim edhe pa qenë pjesë e komisionit, ne jemi gati që ato propozime që janë në përputhje me rekomandimet ti marrim në konsideratë, por të jenë sipas rekomandimeve të OSBE-së. PD-ja nuk është në parlament, komisioni do të paraqesë një draft dhe vetëm Kuvendi miraton ligjet” tha Gjiknuri.

Por propozimi i kryeministrit Rama që reforma të ndahet në dy pjesë mesa duket është çështja ku palët ndahen në këtë proces. Gjiknuri pranoi se opozita parlamentare nuk e pranon këtë propozim.

Jo nuk janë dakord, insistojnë për çështjen e sistemit zgjedhor. Por Shqipëria ka disa prioritete që lidhen me negociatat. Ne kemi vullnetin për ta parë çështjen e sistemit. Por komisioni filloi ta trajtojë cështjen dhe javë pas jave do të miratojmë paketa” tha ai.

Ndërsa në një dalje për mediat pas tij, bashkëkryetarja tjetër e komisionit, Rudina Hajdari theksoi se nuk do të ketë reformë të ndarë në dy faza. Ajo nënvizoi se rekomandimet e OSBE-së dhe çështja e ndryshimit të sistemit duhet të miratohen bashkërisht.

“Nuk do të ketë reformë me dy faza, për këtë të jeni të qartë dhe për këtë kemi rënë dakord. Do të merremi edhe me rekomandimet e OSBE-së, por edhe për ndryshimin e sistemit, por kur të vijë momenti i miratimit do të jetë bashkërisht. Opozita parlamentare ka vetëm një qëllim; ndryshimi i sistemit, ta shembim këtë dhe qytetarët të votojnë përfaqësuesit e tyre dhe jo partitë politike” tha Hajdari.

Ndryshimi i sistemit zgjedhor është një procedurë që kërkon kohë, që zgjat përtej dhjetorit. Nga ana tjetër Bundestagu e ka vënë miratimin dhe implementimin e Reformës Zgjedhore në kushtet e tij kryesore për çeljen e negociatave. Këto kushte duhet të plotësohen përpara mbledhjes ndërshtetërore që parashikohet  në janar, ku dhe do të bëhet zyrtare çelja e negociatave me vendet kandidate. Lidhur me këtë pengesë kohore deputetja Hajdari tha se opozita parlamentare është e interesuar për produktin jo për kohën.

“Ne duam produktin dhe jo kohën. Afatet i vendosim ne sepse ne u shërbejmë shqiptarëve”

E pyetur për kushtin konkret të Gjermanisë ajo nuk dha një përgjigje konkrete. /Opinion.al

Pas