Ka përfunduar pas dy orësh mbledhja e Këshillit Politik. Mbledhja fillo në orën 18:00 për të diskutuar në lidhje me ndryshimet kushtetuese të miratuara në 30 korrik.
Pas mbledhjes, përfaqësuesi i mazhorancës në Këshillin Politik, Damian GJiknuri ka folur për mediat. Ai ka akuzuar opozitën se po synon që ndryshimet kushtetuese të mos implementohen në Kodin Zgjedhor. Gjiknurit theksoi se ka kërkuar që deri më 30 shtator çështja të mbyllet.
“Tashmë dua ti bëj me dije publikut, pas një debati të gjatë, fatkeqësisht PD dhe Opozita qëndroi me të njëjtat pozicione sikur s’ka ndodhur asgjë. Kushtetuta ëshët ndryshuar, dhe u kthyen tek i njëjti debat tek koalicionet që është ezauruar. Janë ezauruar në Këshillin Politik. Ne si formulim mund të marrim një model të vendeve të OSBE. I thashmë opozitës, deri të enjten të sjellin propozimet në lidhje me formulimet për pragun zgjedhor, afatet etj, që PD është e hapur t’i sjellë. Qëllimi i tyre është ta vonojnë këtë proces. Synojnë që ndryshimet kushtetuese mos implementohen. Me konsulta dhe zvarritje, dhe shkojmë në limite që s’mund t’i bëjmë. Kërkova që brenda 30 shtatorit çështja të mbyllet përfundimisht. Sa i përket kërkesës që t’i drejtohemi ODIHR. Fatkeqësisht, kur e thirrëm për rekomandime nuk e morëm parasysh. ODIHR i shkohet me drafte kur s’ka dakordësi. Nëse kemi dispozita që s’biem dakord i drejtohemi. ODIHR s’jep opinione. Nëse draftet e PD dhe të PS ka diferenca, atëhere i drejtohemi. Gjithmonë bëhen konsultime mbas Kodit Zgjedhor. Drafti, le të sjellind draftet, ku s’ka dakordësi i drejtohemi ODIHR. Jo t’i çojmë idetë tona. Të na thonë ata janë ndryshimet kushtetuese ose jo. Kuvendi i ka votat, prandaj Komisioni i Ligjeve ngriti grupin e punës. Do reflektojmë edhe shqetësimet e opozitës. Si kuotat gjinore, apo dhe të tjera që ruajnë integritetin e Listave të Hapura, dhe pragu zgjedhor.”- tha Gjiknuri.
Më herët deputetja Rudina Hajdari, e cila doli e para nga mbledhja e Këshillit Politik tha se asgjë nuk është arritur dhe nuk ka pasur dialog mes tyre.
“Bëra një propozim të qartë, përsa i përket ruajtjes së kuotës gjinore, mund të ruajmë listat e hapura duke përdorur një mekanizëm korrektimi që të ruajmë përfaqësimin gjinor. Këshilli Politik ka një problem të vetëm. Rama do të mbajë tepsinë e vetë, kemi Monën që nuk do t’i shqitet Lulit, dhe kemi Lulin që do të mbajë vagonin e partiçkave. Do t’i mbetem deri në fund listave të hapura 100%, dhe do të kërkoj një sqarim për sa i përket votës së diasporës,” u shpreh Hajdari./ Opinion.al
