Politikë

Gjiknuri flet për ndryshimin e sistemit: Do klimë të qetë


Bëhu pjesë e Grupit Zyrtar të Opinion.al
>> KËTU <<
               Publikuar në : 12:54 - 21/05/20 |
el ida

Bashkëkryetari i Komisionit të Posaçëm për Reformën Zgjedhore, Damian Gjiknuri ka raportuar sot në kuvend për marrëveshjet dhe mosmarrëveshjet mes opozitës dhe mazhorancës në këtë proces.

“Flitet sikur kanë sjellë 5 pamflete aty, 5 trakte dhe ne duhet t’i hamë. Ne kur u ulëm, në atë tavolinë zgjodhëm të funksiononim me një grup teknik, ku palët kanë draftet, opsionet dhe nëse nuk gjejnë dakordësi ne kemi një arbitrër mendimi. Që në rast se palët nuk arrijnë të gjejnë dakordësi, duhet t’i drejtohemi ekspertizës së ODHIR-it. Dhe sot ka disa paketa të gatshme. Ka diferenca aty? Ka. Ka diferencë për shëpenzimet, për rolin e kontrollit, për kuotën gjinore”, tha Gjiknuri.

Ndërsa edhe një herë kërkoi rikthimin e opozitës jashtëparlamentare në tryezë, Gjiknuri preku edhe kërkesën e kësaj të fundit për ndryshime në sistem, artikuluar kjo edhe nga kryetari i PD Basha pas protestës së djeshme.

Sipas Gjiknurit, ndryshimi i sistemit do të kërkonte ndryshime që prekin kushtetutën dhe kërkonin rishikim të marrëdhënieve të të gjitha institucioneve kundrejt Parlamentit, ndaj sipas tij ky nuk ëhstë momenti i duhur për të një hap të tillë.

“Sistemi. Ndryshimi i sistemit do të sillte ndryshime që kërkojnë hapjen e kushtetutës. Ndryshohet raporti që kanë presidenti me parlamentin, organet e drejtësisë me parlamentin, nëse hapim lojën e sistemit nuk mund ta zgjidhim dot tani, kur gjysma e elektoratit është në rrugë. Do klimë të qetë ajo. Po u prek ajo do preket dhe do hapet loja me të gjithë këto tema që fola, pra të gjithë raportet e institucioneve me parlamentin dhe elektoratin. Nëse ka një zgjidhje, mendoj dhe duhet të ishte zgjidhje me kompromis”, tha Gjinkuri./Opinion.al

Pas