Aktualitet

Gazetari i “Bild”: Në Shqipëri kam parë laborator heroine, Rama duhet të..


               Publikuar në : 22:00 - 20/05/19 |
Opi Nion

Gazetari i medias gjermane “Bild”, Peter Tiede teksa ka folur për shkrimin e tij “Shqipëria udhëhiqet nga gangsterët”, të publikuar pak ditë më parë, u shpreh se në Shqipëri ka parë dhe laborator heroine.

Tiede tha se në verën e 2016 ka qenë në Shqipëri dhe ka parë një laborator të heroinës.

Gazetar gjermani, duke komentuar deklaratën e Edi Ramës, tha se kryeministri duhet të tregojë se pse nuk funksionojnë disa institucione në Shqipëri dhe jo të merret me median gjermane.

Autori i “Bild”, tha se aktualisht është duke punuar një tjetër material në lidhje me mafien shqiptare.

 “Ai ka të drejtë se ne jemi një media bulevardekse, por artikujt tonë janë të shkurtër sepse ky është stili i kësaj mediaje. Këto janë gazeta që citohen dhe iu referohen më shumë në Gjermani dhe në të gjithë botën. Sigurisht se zoti Rama duhet të përballet me argumentet se pse nuk funksionojnë Gjykata Kushtetuese dhe  disa istitucione të tjera dhe  a është e lirë media në Shqipëri.

Këto duhet t’i shpjegojë Rama. Unë kam parë edhe laborator heroinë në verën e vitit 2016, sepse kam qenë dhe kam udhëtuar në Shqipëri. Thuhet se 70 për qind e kanabisit që shitet në vendet perëndimore se vjen nga vendi juaj. Në Durrës vjen kokainë nga Kolumbia. Janë gjetur në vendin tonë  kontejnerë që përmbanin kokainë që e kishin porositur kriminelët. Po bëjmë një material dhe po hetojmë mbi mafien shqiptare”-tha gazetari./ Opinion.al E.Xh.

Pas