Kjo e dielë me diell duket se i ka nxitur edhe më tepër banorët e kryeqytetit të popullojnë zonën e liqenit artificial. Pavarësisht se spitalet janë duke shkuar në kapacitetet maksimale dhe shifrat e infektimeve nga Covid 19 po shënojnë rritje të vazhdueshme, qytetarët nuk kanë hequr dorë nga shëtitja e së dielës.
Shihet gjithashtu se një pjesë e madhe e tyre nuk përdorin maskë, ndërkohë që policia vazhdon të ndëshkojë me gjoba.
Nga ana tjetër në mënyrë të përsëritur autoritetet bëjnë thirrje për shmangien e grumbullimeve dhe vendosjen e maskave mbrojtëse që të parandalohet përhapja e infeksionit./Opinion.al
