Vera që lamë pas prodhoi lajme rozë për rubrikat e show bizit, ku këtë vit nuk munguan as personazhet e politikës. Thuajse të gjitha ministret e kabinetit Rama u bënë protagoniste në faqet e gazetave dhe portaleve, teksa u fotografuan në kostume banje, kur pushonin kryesisht ne plazhet shqiptare të jugut.
Të zhveshura nga formaliteti i postit, po aq sa edhe nga veshjet e zyrave, ministret e kabintetit Rama janë komentuar gjatë në rrjetet sociale.
E përditshmja “Panorama” publikoi javë pas jave fotot e ministres së Integrimit Klajda Gjosha, ministres së Ekonomisë Milva Ekonomi. Kjo e fundit, në ndryshim nga të gjitha të tjerat, të cilat janë kapur në Dhërmi, ka preferuar Qeparoin.
Ministria e Arsimit Lindita Nikolla, edhe pse buzë detit, ka preferuar të rrijë në pishinën e hotelit me bashkëshortin dhe vajzën. Ndërkohë ministrja e Inovacionit, Milena Harito, është argëtuar në plazh me të shoqin, duke luajtuar volejboll.
Ministrja e Zhvillimit Urban, Eglantina Gjermeni, ka preferuar diellin e butë të pasdites, por ka qëndruar pasive, kryesisht ulur, ndërkohë që ministrja e Kulturës, Mirela Kumbaro, ka qëndruar shumë pak në plazh.
Por është një ministre e qeverisë Rama, e cila i ka shpëtuar aparatit të paparacit tonë, dhe ajo është Ermonla Felaj. Ermonela është kapur në bar dukë pirë kafe, por jo në plazh.
