Detaje të tjera dalin nga dasma luksoze dhe e shumëpërfolur e Redon Ndroqit me Miriam. Këtë radhë është “Geraldina Sposa” që në faqen e saj në isntagram, publikon videon në të cilën shihet detajet e ambjentit, dekori, mbërritja e çiftit me pajton e deri tek puthja pas celebrimit nga Kryebashkiaku Veliaj.
Në video shihen gjithashtu tryezat e dekoruara me lule, shëndërrimi që i është bërë hollit të Pallatit të Kongreseve dhe gjithashtu disa nga të ftuarit VIP, ku spikat kreu i LSI Ilir Meta dhe bashkëshortja, deputeti i kësaj force Petrit Vasili, biznesmeni Agim Zeqo dhe bashkëshortja Enada Atnikolla apo përfaqësuesit e besimeve fetare në vend.
E natyrisht edhe në këtë video, nuk ka munguar presidenti i Ora News Ylli Ndroqi, që për hir të së vërtetës me ose pa qëllim, duket se është parë në fotot publike thuajse po aq sa edhe çifti, duke marrë në ndonjë rast edhe vëmendjen që në fakt u takonte të sapomartuarve.
