Në Itali po mbahen sot zgjedhjet parlamentare dhe Berluskoni me partinë e tij Forzza Italia dhe koalicionin e gjerë, pritet të triumfojë, por procesi i votimit për ishkryeministrin italian nuk ka qenë aspak i qetë.
Në Milano ku ka qendrën e votimit, Berluskoni u sfidua hapur nga një aktiviste, e cila u ngjit mbi tavolinën e komisionerëve dhe bërtiti: «Berluskoni ke skaduar».
Vajza e re kishte të shkruajtur fjalën “Femen” në gjoksin e saj. Vajza e moshës 25-30 vjeç, ishte topless pa këmishë dhe përsëriti disa herë frazën “Berluskoni ka skaduar, koha juaj ka mbaruar” para se të bllokohej nga policia.
Silvio Berluskoni e komentoi me shaka mosmarrëveshjen. “Nuk e pashë, nuk mund të shihja asgjë”, shtoi drejtuesi i Forzza Italia.
Ndërkohë kjo formë proteste ndaj ish-kryeministrit është e përsëritur, pasi edhe në vitin 2013 në selinë e Via Scrosati në Milano, ishte sfiduar nga tre aktiviste të së njëjtës lëvizje.
