Bota

Foto/Shpërthim i fuqishëm në Itali, 1 i vdekur dhe 8 të zhdukur


Bëhu pjesë e Grupit Zyrtar të Opinion.al
>> KËTU <<
               Publikuar në : 08:48 - 12/12/21 |
Opi Nion

Një person ka vdekur dhe 8 të tjerë janë zhdukur, ky është bilanci i një shpërthimi të fuqishëm i regjistruar në Ravanusa, të Italisë, i cili shkatërroi tre ndërtesa dhe dëmtoi katër të tjera.

Dy gra u nxorën të gjalla nga rrënojat e shtëpisë së tyre të shembur.

Shpërthimi, i cili është ndjerë edhe në vendet fqinje, dyshohet se është shkaktuar nga një rrjedhje e madhe gazi nga tubacioni.

“Gazi është grumbulluar nën tokë ose në një mjedis të mbyllur. Aktivizimi i ashensorit mund të ketë shkaktuar shpërthimin,”-tha komandanti i brigadës së zjarrfikësve Agrigento, Giuseppe Merendino.

“Në ditët në vijim do të bëjmë hetime më të detajuara, por është e sigurt që një shpërthim i tillë është një ngjarje e jashtëzakonshme,”-shtoi ai.

Sipas mediave italiane, shkaqet e këputjes së tubit mund të jetë moti i keq ose rrëshqitja e dheut.

Në godinën katërkatëshe të shkatërruar nga shpërthimi ndodheshin 9 anëtarë të së njëjtës familje, ku një u gjet i vdekur, dy u shpëtuan.

Familjarët e tjerë rezultojnë të zhdukur, mes tyre edhe një infermiere shtatzëne dhe bashkëshorti i saj.

Ashtu siç shihet edhe në foto zona e shpërthimit duket si një skenar lufte: rrënoja, xhama të thyer, mbeturina dhe flakë./Opinion.al

 

Pas