Inspektori i antidrogës në Drejtorinë Vendore të Policisë Berat, Klodian Shevroja ka ndërruar jetë ditën e sotme nga COVID-19.
Bëhet me dije se 38-vjeçari qëndroi rreth 2 javë i shtruar në spitalin “Shefqet Ndroqi” dhe ishte në oksigjenim. Vetëm dy ditë pas intubimit, gjendja e inspektorit është përkeqësuar, duke mos mundur kështu të fitoj betejën me virusin.
38-vjeçari nga Tirana, Klodian Shevroja, pasi kishte punuar për disa vite si pjesë e strukturave speciale në Tiranë, u tranferua në Komisariatin e Policisë Kuçovë në Korrik 2016, ku punoi inspektor krimesh deri në muajin prill të këtij viti. Nga muaji prill e në vazhdim, Klodian Shevroja punonte si Specialist në parandalimin e kultivimit të narkotike në Seksionin e Hetimit të Trafikut të paligjshëm dhe narkotikëve në Drejtorinë Vendore të Policisë Berat.
Ndërkaq në rrjetet sociale, kolegët dhe miqtë kanë shprehur dhimbjen por edhe ngushëllimet për famijarët e Klodian Shevroja./Opinion.al
