Bota

Foshnja e porsalindur i bashkohet provës së terapisë me kanabis


Bëhu pjesë e Grupit Zyrtar të Opinion.al
>> KËTU <<
               Publikuar në : 18:08 - 27/05/20 |
el ida

Një djalë i porsalindur nga seksioni cezarian, në një spital në Britaninë e Madhe, u bë foshnja e parë në botë që i’u bashkua një prove të trajtimit të kanabisit.

Studimi është hapi i parë në atë që studiuesit thonë se një ditë mund të çojë në një ilaç të nxjerrë nga kanabisi, që do të përdoret në mënyrë rutinore në kujdesin pas lindjes, për të ndihmuar foshnjat më rrezik të dëmtimit të trurit.

Foshnja, Oscar Parodi, u lind në 11 mars në spitalin universitar Norfolk dhe Norëich (NNUH). Ai lindi para kohe, në një gjendje jo të mirë shëndetsore dhe duhej të transferohej në njësinë e kujdesit intensiv, ku kreu terapi ftohjeje për 72 orë.

Nëna e tij, Chelsea Parodi tha: ‘Më pyetën pas lindjes për të marrë pjesë në këtë studim dhe u këshillova me mamanë dhe vëllain tim. Ishte e vështirë por doja të bëja gjithçka për të ndihmuar djalin tim. Oscar ishte në spital për nëntë ditë dhe ai po monitorohej 24/7.’

Parodi tha se djali i saj ishte duke u përmirësuar. Studimi po shqyrton nëse ilaçi është i sigurt dhe efektiv, në zvogëlimin e shkallës së dëmtimit të trurit tek foshnjet. Profesor Paul Clarke, një konsulent neonatolog, tha:

‘Kjo është hera e parë që një ilaç me origjinë nga kanabisi është testuar në foshnjat njerëzore. Shpresohet që do të jetë efektiv në parandalimin e epilepsisë dhe mbrojtjen e trurit të foshnjave të porsalindura.”

Foshnjeve do t’ju jepet një dozë e vetme e mjekimit që është pjesë e studimit, sa më shpejt të jetë e mundur, brenda 12 orëve nga lindja./Opinion.al

Pas