Bota

Morën pjesë në një ndeshje futbolli,qindra persona do bëjnë testin e COVID


Bëhu pjesë e Grupit Zyrtar të Opinion.al
>> KËTU <<
               Publikuar në : 18:20 - 27/05/20 |
el ida

Zyrtarët në qytetin francez të Strasburgut po ju bëjnë thirrje qindra njerëzve që ndoqën një ndeshje të paligjshme futbolli këtë fundjavë, të kryejnë testet e Covid-19.

‘Rreth 400 njerëz ndoqën ndeshjen e paligjshme të futbollit të dielën në mbrëmje, në një stadium lokal në Strasburg,  duke shpërfillur të gjitha udhëzimet e sigurisë shëndetësore’, shkruajti kryetari i bashkisë, Roland Ries në Facebook të martën.

Nënkryetari i bashkisë Serge Oehler kritikoi ndeshjen si të papërgjegjshme. Këto ditë është organizuar një fushatë testimi masiv, për këdo që ka marrë pjesë ose ka parë lojën në stadium. Kjo fushatë kërkon të nxisë qytetarët të paraqite në qendrën e testimit, në Parlamentin Europian. Zyrtarët theksuan se anonimiteti i tyre do të ruhej, për të siguruar që askush nuk do të ketë masa ndëshkuese penale.

“Frika jonë është që ky grupim njerëzish mund të ketë shkaktuar infektimin e lojtarëve si dhe publikut, dhe këta persona, nga ana tjetër, mund të jenë të rrezikshëm për të dashurit e tyre,’- theksoi Ries. Kryetari gjithashtu zbuloi se si qyteti ashtu edhe prefektura e rajonit, kishin parashtruar ankesa zyrtare në polici. ‘Prokurori tha se është duke u zhvilluar një hetim për të vendosur përgjegjësinë dhe për të përcaktuar nëse ka pasur bashkëpunëtorë, pasi nuk u gjetën shenja të hyrjes me forcë në stadium”,- tha Ries.

Shkelja e ndalimit të tubimeve publike mund të rezultojë në një dënim me burg gjashtë muaj dhe një gjobë prej 7,500 €.

Rajoni i Lindjes me qytet kryesor Strasburgun, ka qenë një nga më të prekurit në Francë, me më shumë se 5,130 vdekje të regjistruara në spitale dhe shtëpi kujdesi./Opinion.al

 

Pas