Lideri historik i demokratëve Sali Berisha do të vijojë ciklin e takimeve të lajmëruara me mbështetësit dhe simpatizantët e PD. Nisma e quajtur “Foltorja” do të mbahet të martën më 21 Shtator ora 18:00 në qytetin e Fierit, sikurse ka bërë me dije zyra për shtyp e zotit Berisha.
Këto takime vijnë pas vendimit të kryetarit demokrat Basha për të larguar nga grupi parlamentar Sali Berishën, si rrjedhim i vendimit të SHBA për ta shpallur atë non grata.
Duke argumentuar se nuk është respektuar statuti i partisë, Berisha kërkoi që Basha ta votojë këtë vendim në Këshillin Kombëtar të PD. Berisha ka njoftuar mbledhjen e 1500 firmave për të shkuar më pas në votimin e Këshillit lidhur me këtë vendim./Opinion.al
