Bruce Grobbelaar fsheh akoma dhimbjen e përjetuar para se të niste karrierën e futbollistit, dhimbjen që ndjen dikush që ka qënë pjesë e luftës.
Grobbelaar ka folur për këtë në librin “A life in a jungle” (Një jetë në një xhungël).Libri është publikuar me pjesë nga “Mail On Sunday”. Para se të bëhej portier dhe të luante 400 ndeshje me Liverpool, Grobbelar ka qenë pjesë e Shërbimit Kombëtar. Ai ka marrë pjesë në luftën civile në Zimbabve.
Hera e parë që ka qenë i detyruar të marrë një armë në dorë vazhdon ta përndjekë .
“E mbaj akoma mend herën e parë kur kam qenë i detyruar të vras dikë. Më duket sikur i shoh akoma sytë e tij”, shkruan ai në librin e tij.
“E shikova, ndjeva zemrën të më rrihte, por duhej të tërhiqja këmbëzën dhe të qëlloja. Nuk ndjeva asgjë, vetëm një lehtësim se kisha qëlluar para se ta bënte ai”.
