Një film i ri në Francë ka ngjallur polemika dhe është kritikuar gjerësisht për shfaqjen dhe promovimin e teorive të konspiracionit në lidhje me pandeminë COVID-19.
Politikanët dhe organizatat joqeveritare franceze kanë dënuar “Hold Up”, i cili pretendon të zbulojë “gabimet e bëra nga autoritetet më të larta publike”.
Filmi në mënyrë të gabuar arrin në përfundimin se një komplot global ishte formuar nga elitat e botës kundër qytetarëve përmes pandemisë, raporton Euronews.
Shumica e pretendimeve të paraqitura në film janë hedhur poshtë gjerësisht nga kontrolluesit e fakteve.
Në një shembull, filmi sugjeron që Franca “nuk po zbaton rekomandimet e Organizatës Botërore të Shëndetësisë (OBSH)” dhe “OBSH nuk thotë që të gjithë duhet të vendosin një maskë”.
Këshillat më të fundit shëndetësore, të azhurnuara në 20 tetor, i nxisin qytetarët që “mbajtja e maskës të jetë pjesë normale e të qenit pranë njerëzve të tjerë”.
Në qershor, OBSH gjithashtu këshilloi autoritetet “të inkurajojnë mbajtjen e maskave nga publiku i gjerë në situata dhe vende të veçanta”, si pjesë e një qasje gjithëpërfshirëse për të luftuar kundër transmetimit të virusit.
Coralie Dubost, nënkryetare e “La République En Marche” e Emmanuel Macron, ka udhëhequr kritikat ndaj filmit.
“‘Hold Up’ nuk është një dokumentar, nuk është gazetari, është propagandë konspirative e buxhetit blockbuster,” shkroi në Twitter Dubost.
Politikanë dhe të famshëm të tjerë në Francë kanë promovuar filmin, duke kritikuar qeverinë për politikat e saj shëndetësore gjatë pandemisë.
Hold Up u lansua në gusht përmes një fushate të financimi nga Ulule që synonte të grumbullonte mbi 180,000 € për prodhimin e filmit.
Projekti u finalizua në nëntor dhe bashkoi skeptikët dhe teoricienët për të sulmuar masat e marra nga Franca në përgjigje të krizës shëndetësore të koronavirusit.
Dokumentari gati tre orësh u drejtua nga ish-gazetari Pierre Barnérias, dhe prodhuar nga Christophe Cossé, i cili e ka përshkruar COVID-19 si “jo më keq se një grip tjetër sezonal”.
Hold Up gjithashtu përmban dëshmi nga personalitete të njohura dhe ish-ministra të qeverisë, përfshirë ish-Ministrin e Shëndetësisë Philippe Douste-Blazy, i cili që atëherë është distancuar nga projekti.
“Unë nuk e kam parë këtë film dhe nëse ka komplotin më të vogël, unë dua të them sa më qartë që të jetë e mundur që shkëputem nga ai,” tha Douste-Blazy në Twitter.
“Kriza shëndetësore që po kalojmë është mjaft serioze për të mos shtuar konfuzion në momentet e dhimbshme që po kalojmë.”, shtoi ai.
Bashkëthemeluesi i faqes së financimit të Ulule ka thënë gjithashtu se filmi është hequr nga çdo reklamë në platformë.
“Hapi fillestar ishte kryesisht i pozicionuar në mënyrën se si zërat e tjerë janë të mundshëm dhe kjo pikë u politizua ndërsa projekti përparoi,” tha Alexandre Boucherot në një deklaratë.
“Shumë shpejt, ne kuptuam se ajo shkoi përtej kornizës së supozuar fillestare dhe u bë një flamur i teorive të konspiracionit shumë larg nga ajo që mbrojmë në Ulule.”
Ulule thotë se i gjithë komisioni i marrë nga Hold Up do t’i dhurohet një shoqate për “mbrojtjen e informacionit”.
Hold Up është hequr nga platforma të tjera për ndarjen e videove, të tilla si Vimeo dhe Dailymotion, ndërsa lidhjet me filmin gjithashtu janë bllokuar që në Facebook./ Opinion.al
