Bota

Filipine/ Tragjedi në ceremoninë e diplomimit, 3 të vdekur nga sulmi me armë



Bëhu pjesë e Grupit Zyrtar të Opinion.al
>> KËTU <<
               Publikuar në : 17:51 - 24/07/22 |
Opi Nion

Tre persona kanë mbetur të vdekur nga të shtënat me armë zjarri gjatë një ceremonie diplomimi në universitetin e Filipineve.

Mediat e huaja raportojnë se nga sulmi me armë kanë mbetur të vrarë Rosita Furigay, ish-kryetare bashkie e qytetit Lamitan, ndihmësi i saj dhe një roje universiteti.

Ndërkohë, është plagosur vajza e Furigay, e cila supozohej të merrte pjesë në ceremoninë e diplomimit, që më pas është dërguar në spital.

Autori sulmoi te dielën Universitetin Ateneo de Manila në Quezon City, teksa studentët e drejtësisë dhe familjet e tyre u mblodhën për një ceremoni diplomimi.

Sipas policisë, sulmi me tre viktima është një atentat i dukshëm.

Shefi i policisë Quezon Remus Medina tha se autori, emri i të cilit nuk është bërë i ditur akoma, u plagos në një shkëmbim zjarri me një oficier sigurie të universitetit dhe u arrestua pas një ndjekjeje me makinë pas sulmit.

Ndërkohë nuk janë bërë të ditura ende motivet e këtij sulmi që çoi në vdekjen e tre personave.

Në lidhje me ngjarjen ka folur edhe kryebashkiaku i qytetit Quezon, Joy Belmonte, i cili nëpërmjet një deklarate u shpreh se: “Ky lloj incidenti nuk ka vend në shoqërinë tonë dhe duhet të dënohet në nivelin më të lartë”.

Ndërsa, presidenti i sapozgjedhur Ferdinand Marcos Jr siguroi një hetim të shpejtë për zbardhjen e krimit të rëndë.

“Ne i angazhojmë agjencitë tona të zbatimit të ligjit që të hetojnë tërësisht dhe me shpejtësi këto vrasje dhe të sjellin të gjithë të përfshirët para drejtësisë”, tha Marcos.

Pas