Ditën e sotme është festa e Shën Marisë në Greqi dhe si pasojë pritet fluks automjetesh në pikat kufitare Greqi-Shqipëri.
Mediat helene kanë bërë një njoftim në formë kërkese për automjetet që vendosin të kalojnë kufirin me Greqinë, për të shmangur fluksin në pikat e mëdha hyrëse.
Nga pika kufitare e Kakavijës, pala shqiptare ka bërë thirrje të vazhdueshme për të shfrytëzuar të gjithë orarin e vendosur të hyrje – daljeve përgjatë 24 orëve dhe kalimin e shtetasve edhe në pikat e tjera kufitare veç asaj të Kakavijës, me qëllim evitimin e radhëve të gjata.
Veç Kakavijës, dy shtetet fqinje kanë pikat doganore të Kapshticës në Korçë, Tre urat në Përmet dhe Qafebotës në Sarandë.
