Aktualitet

Festa për 31-vjetorin e PD, çfarë është vendosur para selisë blu


Bëhu pjesë e Grupit Zyrtar të Opinion.al
>> KËTU <<
               Publikuar në : 09:58 - 11/12/21 |
Opi Nion

Kjo e shtunë shënon edhe 31-vjetorin e themelimit të Partisë Demokratike. Ndërkohë ditën e djeshme lideri demokrat, Lulzim Basha për të festuar këtë ditë ftoi demokratët që në orën 12:00 të vinin në selinë e PD.

Sikurse duket në foto mëngjesin e sotëm një memorial prej xhami është vendosur në ambientet e jashtme të Partisë Demokratike. Sipas raportimeve, ky memorial, mësohet se mban firmat e personave qe firmosën themelimin e PD.

Ai do të zbulohet sot në orën 12:00 në një ceremoni ku kryetari Lulzim Basha do të ketë edhe një prononcim.

Ndërkohë para pak minutash sekretari i PD, Gazment Bardhi ka mbërritur në ambientet e selisë blu e pritet që aty të mblidhen në vijim demokratët e ftuar nga kryedemokrati për të festuar 31-vjetorin e themelimit të partisë së parë opozitare.

Mësohet se në hollin e selisë së Partisë Demokratike do të zhvillohet edhe një ceremoni. Paralelisht me këtë ceremoni pritet që të zhvillohet edhe Kuvendi Kombëtar i PD-së i thirrur nga ish-kryeministri Berisha në “Air Albania”.

Kujtojmë që kreu i PD-së, Lulzim Basha,  nuk e njeh Kuvendin Kombëtar që do të mbahet këtë të shtunë, ndërsa në daljet e tij e ka cilësuar si “Foltoren e radhës”.

Pas