Gjatë një aktiviteti për prezantimin e kandidatëve të Partisë Socialiste për qarkun e Tiranës, Elisa Spiropali ka rrëfyer për vështirësitë e angazhimit në fushatë pasi është nënë e dy fëmijëve të vegjël. Ajo tha se fëmijët i sheh vetëm në darkë e ndonjëherë djalin e gjen edhe në gjumë.
Më tej, teksa vlerësoi nisjen e procesit të vaksinimit masiv, Spiropali tregoi se ka humbur edhe një person të dashur, hallën si pasojë e COVID-19.
“Unë fëmijët i shoh në mëngjes herët, edhe në darkë vonë, ndonjëherë djalin e ka zënë gjumi e kam këtë peng por besoj po punojmë për një gjë më të madhe për të gjithë dhe kjo na motivon edhe në familje dhe fëmijët mos e ndjejnë atë. Më ndihmojnë motrat e Salarjonit, prindërit e mi të tij. Shqiptarët duhet të gëzojnë për faktin që gjyshërit këtu janë ata që janë. Tani filloi dhe vaksinimi, prindërit e mi e kaluan në gusht. Patëm edhe një rast në familje, halla shumë e dashur, që humbi jetën, ishte shtruar të Infektivi pas një beteje disa ditore si çdo familje e kemi ndjerë rëndë. Dhe ky vaksinim vlerësohet shumë edhe nga njerëzit”, tha Spiropali./Opinion.al
