Një 43-vjeçar kinez, i cili ishte deklaruar më parë i vdekur nga doktorët, u kthye në shtëpi, dy muaj pasi familja e tij kishte bërë ceremoninë mortore dhe dërguar “trupin e tij” në krematorium.
Jiao kishte humbur kontaktet me familjen në fillim të marsit. Të shqetësuar ata shkuan në polici, dhe më vonë u lajmëruan se i afërmi i tyre po trajtohej në një spital në Wenzhou.
Ata mbërritën në spital ku mësuan nga doktorët se Jiao me shumë mundësi nuk do të mbijetonte.
Familjarët tregojnë se nuk mundën ta identifikonin plotësisht pasi atij i kishin vënë maskë dhe një makinë oksigjeni dhe ata u panë vetëm nga xhami.
Pas disa ditësh ai u deklarua i vdekur dhe trupi u çua menjëherë në krematoriumin e Chongqing për shkak të masave strikte të koronavirusit.
Si shpjegim për situatën krejt të pazakontë, mjekët deklaruan se e kanë ngatërruar Jiaon me një pacient tjetër, që sipas tyre ishte shumë i ngjashëm me të./Opinion.al
