Një 35 vjeçar, ekonomist pranë një Qendre Shëndetësore në Elbasan, është arrestuar pasi, në periudhën prill 2018 -maj 2020, ka përfituar një shumë lekësh, duke falsifikuar listë- pagesat.
Në pranga ka rënë 35-vjeçari me iniciale E.S., banues në Elbasan.
“Nga specialistët për Hetimin e Krimit Ekonomik dhe Financiar në Drejtorinë Vendore të Policisë Elbasan, u arrestua në flagrancë shtetasi: E. S., 35 vjeç, banues në Elbasan. Ky shtetas, me detyrë ekonomist pranë një Qendre Shëndetësore në Elbasan, në periudhën prill 2018 – maj 2020, ka përfituar një shumë lekësh, duke falsifikuar listë- pagesat”, njofton policia.
Materialet hetimore i kaluan Prokurorinë pranë Gjykatës së Shkallës së Parë Elbasan, për veprime të mëtejshme./Opinion.al
