Një 35-vjeçar është arrestuar në portin e Vlorës pasi ka ndihmuar dy të huaj që të kalojnë kufirin me test Covid të falsifikuar.
Sipas policisë, në pranga ka rënë 35-vjeçari me iniciale A.D. si dhe janë proceduar në gjendje të lirë 2 shtetas italianë, për veprën penale “Falsifikim i dokumenteve shëndetësore”.
Mësohet se dy italianët të cilët do të udhëtonin drejt Italisë janë konstatuar se kishin test Covid të falsifikuar.
Nga verifikimet e bëra me tej, dyshohet se falsifikimi është bërë nga A.D., i cili tashmë është arrestuar.
“Dy shtetasit italianë të cilët do të udhëtonin drejt Italisë janë konstatuar nga shërbimet e Policisë Kufitare Porti Vlorë gjatë përpunimit të dokumentacionit me test Covid-19 të falsifikuar, të cilat dyshohet se janë falsifikuar nga shtetasi A. D”, njofton policia./Opinion.al
