Mjekra e dyfishtë nuk është tamam ajo që kemi dëshirë të shohim kur vendosemi para pasqyrës. Shpesh një shtresë dhjami mblidhet në mjekër duke shkaktuar një varje të zonës, e cila duket si mjekër e dytë.
Sidoqoftë kjo nuk është gjithnjë shenjë e shtimit në peshë. Edhe gjenetika apo lëshimi i lëkurës bëjnë të vetën. Për ta hequr qafe, njëfoj siç hidhet dhjami në pjesë të tjera të trupit nevojiten ushtrime dhe ndryshime në dietë.
Ka disa ushtrime që mund të bëni për të forcuar muskujt dhe të shkrini dhjamin. Përpara se të filloni, bëni nxemjen duke e rrotulluar qafën ngadalë në drejtimin e akrepave të orës dhe më pas në të kundërt. Që të funksionojnë, këto ushtrime duheni bërë çdo ditë për rreth 10 ose 15 minuta.
- Zgjasni mjekrën
Ngrijeni kokën lart duke parë tavanin, dhe më pas nxirrni jashtë nofullën e poshtmederisa të ndjeni tërheqje. Mbajeni këtë pozicion për 10 sekonda dhe kthehuni në pozicion neutral.
- Zgjasni buzët
Ngrijeni kokën lart duke parë tavanin dhe zgjasni buzët sikur do puthni. Do të ndjeni një tërheqje. Mbajeni disa sekonda dhe më pas kthehuni në pozicion neutral.
- Ushtrim me top
Uluni dhe rehatohuni. Merrni një top në madhësine e topit të tenisit që shtrydhet lehtësisht. Vendoseni poshtë mjekrës tuaj dhe shtyjeni mjekrën drejt topin. Përsëriteni 10 deri në 30 herë.
- Zgjatja e gjuhës
Merrni një pozicion relaksues. Hapeni gojën gjerësisht dhe nxirreni gjuhën jashtë sa më shumë të mundeni. Nëse e bëni siç duhet do të ndjeni muskujt dhe nofullën të shtrëngohen.
Nëse mjekra e dyfishtë është krijuar për shkak të shtimit në peshë duhen bërë edhe ndryshime në dietë. Nëse është e trashëguar, përveç këtyre ushtrimeve provoni edhe masazhe dhe maska fytyre./Opinion.al
