Facebook ka njoftuar se ka fshirë llogari nga Rusia, Irani, Maqedonia e Veriut dhe Kosova, për shkak të “sjelljes së kordinuar joautentike”. Përmes një deklarate zyrtare, Facebook njoftoi se një total prej 2.632 llogarish u fshin nga platformat e Facebook-ut dhe Instagramit.
Sipas deklaratës 1907 faqe, grupe dhe llogari kanë qenë të lidhura me Rusinë, dhe 513 me Iranin. Ndërkaq, 212 llogari ishin me origjinë nga Maqedonia e Veriut dhe Kosova.
Llogaritë e lidhura me Rusinë u fshinë për shkak të veprimtarive të dyshimta. Një numër i vogël i tyre përmes sjelljes së kordinuar autentike kanë publikuar përmbajtje të ndërlidhura me “lajmet dhe politikën në Ukrainë, përfshirë konfliktin në Ukrainën lindore, situatën në Krime, korrupsionin etj”.
Njoftimi vjen në prag të mbajtjes së zgjedhjeve presidenciale në Ukrainë më 31 mars.
Në muajt e fundit Facebook ka njoftuar rezultatet e spastrimeve të tilla të llogarive, si dhe ka rritur aktivitetet për të demonstruar angazhimin në parandalimin e ndërhyrjes në ngjarje të tilla siç janë zgjedhjet./Opinion.al
