Ligjvënësit në Estoni dënuan këtë të martë aneksimin e territorit ukrainas nga Moska dhe e shpallën Rusinë një “regjim terrorist”.
Deklarata u miratua me 88 vota pro, asnjë kundër dhe tre abstenime, ndërsa dhjetë deputetë munguan.
Parlamenti “e shpall Rusinë një regjim terrorist dhe Federatën Ruse një vend që mbështet terrorizmin”, thuhet në deklaratë.
“Regjimi i Putin, me kërcënimet e tij për sulm bërthamor, e ka kthyer Rusinë në rrezikun më të madh për paqen si në Evropë ashtu edhe në të gjithë botën”, thuhet më tej deklaratë.
Në gusht, Parlamenti në fqinjin e Estonisë, Letoni, e shpalli Rusinë si shtet që mbështet terrorizmin duke akuzuar Moskën për “gjenocid kundër popullit ukrainas”./Opinion.al
