Rajoni

EMRI/ Osmani pezullon nga puna sekretarin e përgjithshëm të Presidencës


Bëhu pjesë e Grupit Zyrtar të Opinion.al
>> KËTU <<
               Publikuar në : 17:47 - 18/12/20 |
Semiljana Azizi

Presidentja në detyrë e Kosovës, Vjosa Osmani ka pezulluar nga puna sekretarin e përgjithshëm të Presidencës.

Sipas informacioneve, sekretari i përgjithshëm Driton Gashi dyshohet se ka bërë shkelje të rënda gjatë ushtrimit të detyrës.

Nga vendimi mësohet se Gashi nuk ka të drejtë të hyjë në Presidencë dhe nuk ka aksesh në dokumentet zyrtare.

Ndërkaq deri në përfundim të hetimit ai do të paguhet me 50% të pagës.

Vendimi i plotë:

Në mbështetje të nenin 84 (paragrafi 2) dhe neni 90 të Kushtetutës së Republikës së Kosovë, neni 17 (paragrafi1) të Ligjit nr.03/L-094 për Presidentin e Republikës së Kosovës, neni 16 (paragrafi 1 dhe 3) të Rregullores nr.062012 për pozitën e lartë Drejtuese në Shërbimit Civil të Republikës së Kosovës nenit 6 (paragrafët 1, 10, 1.15 dhe 1.18) të Rregullores nr.04/2011 për Procedurat Disiplinore në Shërbimin Civil dhe nenin 3 (paragrafi 1), nenit 4, nenit 17 (paragrafi 2) dhe nenit 18 (paragrafi 2) Rregullores (P) NR.02/2016 për Strukturën Organizative të Presidencës nxjerr

VENDIM:

  1. Pezullohet nga puna Sekretari i Zyrës së Presidentit, z.Driton Gashi, me dyshimet për shkelje të rëndë të detyrave të punës.
  2. Pezullimi i z.Driton HGashi zgjatë deri në përfundimin e procedurave të shkeljeve të supozuara.
  3. Pezullimi i z.Driton Gashi nuk e paragjykon rezultatin e shkeljeve të supozuara dhe hetimeve rreth rastit nga organet e drejtësisë.
  4. Pagesa përgjatë pezullimit nga puna të Z.Driton Gashit realizohet sipas dispozitave në fuqi ndaj atij i lejohet të marrë 50% të pagës.
  5. Deri në përfundim të procedurave disiplinore dhe hetimeve nga organet e drejtësisë z.Driton Gashit i ndalohet qasja në Presidencë dhe në dokumentacion zyrtar të këtij institucioni.
  6. Vendimi hyn në fuqi në datën e nënshkrimit./Opinion.al

 

Pas