Të tjera detaje kanë nisur të dalin në pak nga vrasja e 32-vjeçarit në Durrës pasditen e së dielës.
Policia njoftoi se i riu ishte qëlluar me armë zjarri dhe ndërroi jetë në spital, ndërsa mësohet se viktima është identifikuar si shtetasi Jetmir Bregu.
Burime për News 24, duke cituar dëshmitarët në vendngjarje, bëjnë me dije se është qëlluar me kallashnikov dhe ka patur një breshëri të shtënash. Policia njoftoi se janë shoqëruar disa persona të cilët ndodheshin në vendin e ngjarjes.
“Më datë 24.01.2021, në orën 17: 20, në lagjen nr.16, Durrës, pas një konflikti të çastit dyshohet se është plagosur në këmbë, me armë zjarri shtetasi J. B., 32 vjeç, i cili ndodhet në spital nën kujdesin e mjekëve. Në ambientet e Policisë janë shoqëruar disa shtetas të cilët ndodheshin në vendin e ngjarjes”, njoftoi policia që po punon për zbardhjen e ngjarjes./Opinion.al
