Një 27-vjeçar, i shpallur në kërkim nga policia është vënë në pranga ditën e sotme. Bëhet fjalë për Elis Lekndrejaj, të cilit Gjykata e Shkodrës i ka caktuar masën e sigurisë në mungesë “Arrest në burg” për veprat penale “Vrasja me paramendim” e mbetur në tentativë dhe “Armëmbajtja pa leje”.
Ai akuzohet se është si autori i ngjarjes së ndodhur në datën 21 Mars të këtij viti, në lagjen “Mark Lula” në Shkodër, ku mbeti i plagosur me armë zjarri Mikel Fusha. Policia në atë kohë njoftoi se ngjarja ndodhi në një lokal, pas një konflikti të çastit.
Materialet iu referuan Prokurorisë pranë Gjykatës së Shkallës së Parë Shkodër, për veprime të mëtejshme.
KOMENTO (0)
