Kronikë

Emri/ Plagosi dy persona me thikë, arrestohet 40-vjeçari


Bëhu pjesë e Grupit Zyrtar të Opinion.al
>> KËTU <<
               Publikuar në : 11:55 - 19/05/22 |
Opi Nion

Në 40-vjeçar është arrestuar nga policia pasi ka plagosur me armë dy persona. Policia bën me dije se ka rënë në pranga Sokol Koçi, banues në Tiranë. Më datë 11 mars të këtij viti Koçi, në Rrugën e Durrësit, pas një konflikti për motive të dobëta, ka plagosur me mjet prerës, shtetasin B. M. Ndërsa në 17 maj Koçi ka plagosur me thikë në afërsi të një lokali,  shtetasin I. C.

Sokol Koçi akuzohet për veprën penale “Plagosja e rëndë me dashje”. Materialet i kaluan Prokurorisë, për veprime të mëtejshme procedurale.

Njoftimi i policisë

Specialistët për Hetimin e Krimeve në Komisariatin e Policisë Nr. 3, në vijim të punës për kapjen e personave të shpallur në kërkim dhe vënien e tyre para përgjegjësisë ligjore, bazuar dhe në informacionet e marra në rrugë operative, për vendndodhjen e një shtetasi në kërkim, organizuan dhe finalizuan operacionin policor të koduar “Piaza”.

Në kuadër të këtij operacioni, në zonën e quajtur “Piaza”, u bë kapja dhe ndalimi i shtetasit Sokol Koçi, 40 vjeç, banues në Tiranë.

Ky shtetas ishte shpallur në kërkim, për veprën penale “Plagosja e rëndë me dashje”, pasi ka plagosur me mjete prerëse 2 shtetas, konkretisht:

Më datë 11.03.2022, në Rrugën e Durrësit, pas një konflikti për motive të dobëta, ka plagosur me mjet prerës, shtetasin B. M.;

17.05.2022, në afërsi të një lokali, pas një konflikti për motive të dobëta, ka plagosur me mjet prerës, shtetasin I. C., i cili ndodhet në spital, nën kujdesin e mjekëve.

Materialet i kaluan Prokurorisë, për veprime të mëtejshme procedurale.

 

 

Pas