Kronikë

Emri/ Konflikt me fqinjin, vritet me thikë shqiptari në Itali


Bëhu pjesë e Grupit Zyrtar të Opinion.al
>> KËTU <<
               Publikuar në : 09:54 - 18/07/21 |
Opi Nion

Një shqiptar është vrarë me thikë në Novara të Italisë të shtunën. Mësohet se viktima është identifikuar si Caf Nikaj, 59 vjeç, i cili humbi jetën pas një konflikti me një shtetas italian me të cilin ishte fqinj.

Mes shqiptarit dhe autorit të identifikuar si Lorenzo Rivani, 63 vjeç ka pasur konflikte të vazhdueshme, por mëngjesin se shtunës konflikti degjeneroi deri në përdorimin e thikës.

Pasi u godit nga Rivani, 59-vjeçari shqiptar u përpoq të arratisej, por u rrëzua në një rrugë këmbësorësh. Shqiptari u dërgua në spitalin e Novarës, por nuk mundi që t’u mbijetonte plagëve që kishte marrë në stomak.

Ka qenë vetë autori që ka lajmëruar policinë dhe ka thënë që e ka kryer krimin për t’u mbrojtur. Megjithatë ai është dërguar në polici ku pritet që të verifikohet dëshmia që ka dhënë. Autoritetet kanë konfiskuar armën e krimit.

Dy fqinjët jetonin pranë vendit të vrasjes. Sipas dyshimeve të para, mendohet se ata janë hasur në mëngjes në rrugë. Megjithatë është e paqartë arsyeja se pse autori ishte i armatosur me thikë./ Opinion.al

Pas