Kronikë

Emrat/Iu iku nga duart 22-vjeçari, e pësojnë 4 policët e Komisariatit të Korçës


Bëhu pjesë e Grupit Zyrtar të Opinion.al
>> KËTU <<
               Publikuar në : 09:25 - 09/05/22 |
Opi Nion

Agjencia e Mbikëqyrjes Policore në konsultim me Prokurorin referoi materialet e para hetimore në gjendje të lirë për 4 punonjës të Komisariatit të Policisë Korçë, të dyshuar për kryerjen e veprës penale “Shpërdorimi i detyrës”.

Materialet hetimore u referuan në ngarkim të punonjësve të policisë;

  • Inspektor Guri Stillo, me detyrë Përgjegjës i zonave të sigurisë në Komisariatin e Policisë Korçë,
  • Inspektor Fahri Selishta, me detyrë Trupë shërbimi i patrullës së përgjithshme, në Komisariatin e Policisë Korçë
  • Inspektor Enea Selimaj, me detyrë Trupë shërbimi i Patrullës së Përgjithshme
  • Komisar Mariglen Jaçellari, me detyrë Shef i Seksionit të Rendit në Komisariatin e Policisë Korçë

Referimi u krye pasi ditën e djeshme ndërsa punonjësit e policisë shoqëronin shtetasin Kristian Medolli në ambientet e Gjykatës së Shkallës së Parë Korçë (person i arrestuar) për vlerësimin e masës së sigurisë, gjatë kohës që ky shtetas ka qenë duke hipur në mjetin e policisë, brenda ambienteve të garazhdit të Gjykatës, u është larguar dy punonjësve të policisë dhe është kapur pak më pas nga shërbimet e Komisariatit të Policisë Korçë.

Nga veprimet hetimore ka rezultuar se dy punonjësit e policisë, Guri Stillo dhe Fahri Selishta nuk kanë përmbushur detyrën funksionale duke mos zbatuar detyrimet ligjore për mënyrën e shoqërimit të personave të arrestuar apo të ndaluar.

Po ashtu, rezulton se Inspektor Enea Selimaj, në kundërshtim me procedurat standarde të punës dhe në cilësinë e përgjegjësit të patrullave, ka bërë njoftimin vetëm të njërit prej punonjësve të patrullës për shoqërimin në gjykatë të shtetasit Kristian Medolli.

Gjithashtu, në lidhje me këtë ngjarje, dyshohet se punonjësi i policisë Komisar Mariglen Jaçellari, në cilësinë e eprorit të drejtpërdrejtë dhe në mungesë të Specialistit të Rendit, në kundërshtim me ligjin, nuk ka marrë masa për organizimin e shërbimeve për shoqërimin e Medollit.

22-vjeçari Kristian Medolli u arratis nga Gjykata e Shkallës së Parë pak momente pasi ishte njohur me masën e sigurisë “Arrest në burg” pasi akuzohet për Vjedhje./Opinion.al

Pas