Dy vëllezër janë arrestuar nga policia e Dibrës pasi kishin hyrë në banesën e një gruaje dhe kishin vjedhur një shumë parash dhe bizhuteri.
Bëhet fjalë për Fjoralb Mani dhe Arsen Mani të cilët janë vënë në pranga në kuadër të operacionit policor të koduar “Goods”.
“Shërbimet e Komisariatit të Policisë Dibër, në bashkëpunim me shërbimet e Postës së Policisë Maqellarë, pas marrjes së njoftimit se 2 persona të paidentifikuar kishin hyrë në banesën e një shtetaseje, në fshatin Pejkë dhe i kishin vjedhur me dhunë, një shumë parash dhe sende personale (varëse dhe orë), menjëherë kanë organizuar punën për identifikimin dhe kapjen e tyre, në kuadër të operacionit policor të koduar”, njofton policia.”Goods”.
Dy vëllezërit Fjoralb Mani, 25 vjeç dhe Arsen Mani, 27 vjeç, (vëllezër) banues në fshatin Pejkë, Maqellarë, akuzohen për veprën penale “Vjedhja me dhunë”, kryer në bashkëpunim.
Materialet i kaluan Prokurorisë, për veprime të mëtejshme procedurale.
