Kryesore

Eliminimet nga listat në PD, Veliaj: Ata funksionojnë si “Big Brother”


Bëhu pjesë e Grupit Zyrtar të Opinion.al
>> KËTU <<
               Publikuar në : 19:26 - 24/10/20 |
el ida

Kryebashkiaku i Tiranës Erion Veliaj, i cili është njëherësh edhe drejtues politik i qytetit për fushatën elektorale, ka ironizuar Partinë Demokratike lidhur me procesin e vlerësimit të kandidatëve për listat zgjedhore.

Gjatë një takimi në Dajt, ku ka folur për përfshirjen e atyre që zgjedhin të bashkohen me PS, Veliaj ka marr si shembull kampin tjetër politik.

Duke ju referuar lajmeve të fundit për përjashtimin nga lista të Klevis Balliut në Pogradec, apo shtyrjen e aprovimit për disa ish-deputetë, mes të cilëve edhe Ervin Salianji, kryebashkiaku i Tiranës tha ndër të tjera se PD funksionon si “Big Brother”.

“Ne jo vetëm qeverisim mirë familjen tonë të majtë, por jemi gati t’iu shërbejmë të tjerëve me besnikëri dhe përulësi. Shihini pak ata! Ata gëzohen dhe thonë, “shumë sukses, sot u eliminua Klevisi, sot u eliminua Salianji…”. Ata funksionojnë si “Big Brother”, se kë do eliminojmë sot nga shtëpia; ne funksionojmë si një familje e madhe, që gëzohet për dhëndër, nuse, bijë e bir, për çdo bebe që shtohet në familje,” deklaroi Veliaj.

Ndërkohë mes diskutimeve për inceneratorët dhe akuzat për abuzime me tenderat e tyre, Veliaj foli edhe për çështjen e mbetjeve.

“Mbaj mend atë renë e verdhë që vinte nga Sharra, – ata në Sharrë, në Kombinat, në Lalm, Allgjatë, në Vaqarr, e dinë fare mirë se nga çfarë kanë shpëtuar, – edhe këtu nuk hapnim dot ballkonet, dritaret, edhe ne këtu që, metaforikisht jemi dritarja dhe ballkoni i Tiranës, dhe thonim “kur do shpëtojmë?”. Kemi shpëtuar nga djegia në Sharrë dhe e kemi bërë 30% më lirë. Është e vetmja statistikë që na duhet”, u shpreh kryebashkiaku./Opinion.al

Pas